«Qysqa merzimdi kýrstar: talaptar, múmkindikter men perspektıvalar» dep atalatyn semınarǵa Mańǵystaý oblystyq bilim basqarmasy men jumyspen qamtýdy úılestirý jáne áleýmettik baǵdarlamalar basqarmasynyń ókilderi, oqý ortalyqtary men kásiporyndardyń ókilderi qatysty. Semınar barysynda oqytý ortalyqtary tizilimin qalyptastyrý jáne júrgizý, sondaı-aq qysqa merzimdi kýrstar ótkizý talaptary syndy máseleler talqylandy.
- 2017 jyldyń shildesinde tehnıkalyq jáne qyzmet kórsetý mamandyqtaryna kásiptik daıarlaý, qaıta daıarlaý jáne biliktiligin arttyrý úshin oqý ortalyqtary tizilimin qalyptastyrý men júrgizý tártibi týraly ereje daıyndaldy. Oqý ortalyqtarynyń tizilimin qalyptastyrý men qoldaýdyń maqsaty - oqý ortalyqtarynyń biryńǵaı derekqoryn qurý. Onda qysqa merzimdi kýrstardy ótkizýge qyzyǵýshylyq tanytqan oqý ortalyqtary tirkeýge qoıylatyn talaptar bar, dedi О́ńirlik kásipkerler palatasynyń dırektory Nurbek Qarasaev.
Basqosýda kásiporyndardyń keıbiri ózderiniń mekemelerinde oqý -ortalyqtaryn ashýǵa daıyn ekendikterin bildirdi. Sondaı-aq, qazirgi tańda naqty mamandyq boıynsha qysqa merzimdi kýrstardyń oqý qunyn anyqtaý úshin ádisteme ázirlenetin boldy.
Ulttyq kásipkerler palatasy mundaı ádistemeni ázirleý úshin qajetti alǵashqy derekterdi jınaıdy.Mańǵystaý oblysynda 26 tehnıkalyq jáne kásiptik bilim berý uıymdary jumys isteıdi. Olardyń 15-i memlekettik, al 11-i jekemenshik.
Mańǵystaý oblysynyń jumyspen qamtýdy úılestirý jáne áleýmettik baǵdarlamalar basqarmasynyń bólim basshysy Áset Shopanovtyń aıtýynsha, resýrstyq ortalyqta «Nátıjeli jumyspen qamtý jáne jappaı kəsipkerlikti damytýdyń 2017-2021 jyldarǵa arnalǵan» baǵdarlamasy boıynsha- 287 kýrsant, «Jol kartasy» jáne «Jumyspen qamtý» baǵdarlamalarymen -56, qalalyq jumyspen qamtý ortalyǵynyń kepilhatymen- 17, mekemelerdiń kelisimsharty men jeke tulǵalar ótinishimen- 1018 kýrsant, barlyǵy – 1710 adam oqyp shyqty. Mańǵystaýdaǵy eki kolledjde mobıldi oqytý ortalyǵy satyp alyndy. Júrip-turýǵa yńǵaıly, modýlder bir-birimen baılanysty, mashınaǵa bir tizbekte ornalasqandyqtan bir mezette 3 mamandyq boıynsha oqytýǵa bolady.
Oblystyń barlyq kolledjderi kóp profıldi ekenin eskere otyryp, tájirıbeli kásiporyndarda oqý ortalyqtaryn ashýǵa jáne osy ortalyqtarda oqytý júrgizýge úlken basymdyq beriledi.
Qazir kolledjderde qysqa merzimdi kýrstarǵa arnalǵan 11 resýrstyq jáne jańa úlgidegi 2 mobıldik oqý ortalyqtary jumys isteıdi. Olar shalǵaı eldi mekende turatyn azamattardy qysqa merzimdi oqytýmen qamtamasyz etedi.
2017 jyldyń jeltoqsanynda «Nátıjeli jumyspen qamtý jáne jappaı kəsipkerlikti damytý» baǵdarlamasynyń birinshi baǵyty «Eńbek naryǵynda suranysqa ıe kásipter men daǵdylar boıynsha jumysshy kadrlardy qysqa merzimdi kásiptik oqý» boıynsha engizilgen ózgerister men tolyqtyrýlardy oqý ortalyqtary men kəsiporyndar nazarǵa alyp, tizilimge kirýge daıyn bolady degen paıym jasaldy.
Gúlaıym ShYNTEMIRQYZY,
«Egemen Qazaqstan»
Mańǵystaý oblysy